Connect with us

Labarai

Kano: Yawan ƙuri’un zaɓen ƙananan hukumomi sun zarce na zaɓen Gwamnan 2019

Published

on

Yawan ƙuri’un da aka kaɗa a zaɓen ƙananan hukumomin Kano sun haura ƙuri’un da jam’iyyar APC da PDP suka samu a zaɓen gwamna na shekarar 2019.

A sakamakon ƙarshe na zaɓen gwamna a shekarar 2019 ya nuna cewar, gwamnan Abdullahi Ganduje na APC ya samu ƙuri’u 1,033,695.

Yayin da Abba Kabir Yusuf na jam’iyyar PDP ya samu ƙuri’u 1,024,713.

Jimilla baki ɗaya jam’iyyun biyu sun samu ƙuri’u 2,058,408.

Karin labarai:

Babu fashi makarantu su koma bakin aiki-Ganduje

APC ce za ta lashe zaɓen ƙananan hukumomi baki ɗaya – Ganduje

A sakamakon ƙarshe na zaɓen ƙananan hukumomi da shugaban hukumar Farfesa Garba Ibrahim Sheka ya fitar.

Ya ce, an kaɗa ƙuri’u 2,350,577 a zaɓen na ranar Asabar.

Ku kalli bidiyon sanarwar Farfesa Sheka.

Hakan na nufin ƙuri’un da aka kaɗa sun zarta waɗanda Gwamna Ganduje da Abba Kabir na PDP suka samu baki ɗayansu.

Gabanin zaɓen dai masana siyasa irin su Farfesa Kamilu Sani Fagge na jami’ar Bayero sun yi hasashen cewa za a samu ƙarancin jama’a a zaɓen.

Click to comment

You must be logged in to post a comment Login

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 340,482 other subscribers.

Copyright © 2019. Freedom Radio Group. All Rights Reserved.

error: Content is protected !!