Karyewar wata Gada na barazana ga rayuwar al’umma a Kano

Mazauna unguwar Rijiyar Zaki da ke karamar hukumar Ungogo a Jihar Kano, sun koka kan karyewar wata Gada a unguwar.

Karyewar Gadar dai ta haddasa samun wani wawakeken rami, wanda ke barazana ga rayuwarsu.

Mazauna Unguwar sun shaida cewa, da zarar damuna ta fadi ba su da kwanciyar hankali sakamakon yadda yara suke fadawa cikin ramin.

Ka zalika wasu amfani da hanyar sun yi korafin cewa ba sa iya bin hanyar a halin yanzu, sai dai su yi dogon zagaye.

Freedom Rediyo ta yi kokarin jin ta bakin kwamishinan ayyuka na Jihar Kano sai dai kuma hakar bata cimma ruwa ba.