Kotu ta tabbatar da Bazoum Muhamed a matsayin shugaban jamhuriyar Nijar

Kotun tsarin mulki a jamhuriyyar Nijar ta fitar da sakamakon ƙarshe na babban zaɓen ƙasar da ya gabata.

Sakamakon ƙarshen ya ayyana Bazoum Mohamed na jam’iyyar PNDS Tarayya mai mulki a matsayin wanda ya yi nasara da kaso 55.66 cikin 100.

Wannan dai shi ya kawo ƙarshen jiran da ƴan ƙasar ke yi domin samun wannan sakamako na raba gardama kan sahihancin sakamakon da hukumar zaɓen ƙasar ta fitar a baya.