Kungiyar Kwadago na Barazana Tsunduma yajin aiki

Kungiyar kwadago ta kasa tace ba gudu ba ja da baya wajen ganin ta tsunduma yajin aiki sai Baba ta gani idan gwmanati tarraya ta kasa biya mata bukatun ta.

Shugaban kungiyar a nan Kano kwamared Kabiru Inuwa ne ya bayyana haka yayin zantawar sa da Freedom radiyo da yammacin yau juma’a.

Kabiru Inuwa ya kuma ce wannan karo yajin aiki zai zama daban da wanda aka saba gudanarwa.

Inda yace akalla akwai bukatu 14 da ya kamata ace gwmanati tarraya ta cika musu amma ta gaza hakan .