Kwankwaso ne sirrin nasarar lashe zaben Edo – Sulaiman Mai Kasuwa Rano

Sulaiman mai Kasuwa Rano daga jam’iyyar PDP yace nasarar da jam’iyyar PDP ta samu sirrin Dr. Rabiu Musa kwankwaso ce sakamakon irin gudunmawar da ya bayar a lokacin zaben na Edo.

Sulaiman Mai Kasuwa Rano ya bayyana hakan ne ta cikin shirin Kowane Gauta na Freedom radio.

Ya kara da cewa ko a baya sun san cewa zaben da aka yi na jihar Kano APC ba tayi nasara ba, kawai dai sun yi karfa- karfa ne wajen kwace zaben su baiwa APC.

Sulaiman mai Kasuwa yace, wannan nasara da PDP ta yi wata ‘yar manuniya ce dake alamta cewa jam’iyyar PDP ita ce zata lashe babban zaben shekarar 2023, saboda irin matsalar da APC ta jefa al’ummar Najeriya a ciki a halin yanzu.