Labaran Wasanni
LALIGA – Huesca da Alaves sun sallami masu horarwar su
![](https://freedomradionig.com/wp-content/uploads/2021/01/3d79ae98-2efc-4760-958e-1804720c75ec-1.jpg)
Kungiyar kwallon kafa ta Huesca dake buga gasar Laligar kasar Spaniya ta sallami mai horar da kungiyar, Michel Sanchez, sakamakon rashin ta buka abin azo a gani da bai yi ba, a kakar wasanni ta shekarar 2020/2021.
Huesca ita ce ta 20 kuma ta karshe a teburin gasar Laligar kasar ta Spaniya inda ta ci wasa daya cikin wasanni goma sha takwas data buga a kakar bana.
Ita ma kungiyar kwallon kafa ta Deportivo Alaves ta sallami mai horarwar ta Pablo Machin bisa rashin ta buka a bin a zo a gani da bai yi ba a kungiyar.
Yanzu dai cikin wasanni 18 da aka buga a gasar ta Laliga kungiyar ta Alaves tana mataki na 16 ya yin da ta ci wasanni hudu a kakar bata.
Huesca dai ta yi rashin nasara a wasanni hudu cikin wasanni biyar data buga a kwana-kwanan nan.
Yanzu dai mataimakin mai horar da kungiyar ta Deportivo Alaves Javier Cabello ne zai rike kungiyar a matsayin na kwarya- kwarya kafin ta bayyana sabon mai horarwar ta.
Hakan na kunshe ta cikin wata sanarwa da kungiyar ta fitar bayan ta bayyana sallamar mai horarwar a yau.
You must be logged in to post a comment Login