Likitoci 53 sun kamu da Corona a Kano – NMA

Shugaban kungiyar  Likitoci ta kasa reshen jihar Kano Dr, Usman Ali ya ce sun rasa likitoci 3 a Kano ya yin da 53 suka kamu da cutar Corona bayan da aka yi musu gwajin cutar 

Dr, Usman Ali ya ce ajiya  Litinin ne kungiyar ta rasa likita guda daya wanda hakan ya sanya adadin likitocin da suka rasu sakamakon cutar Corona ya kai 3 a nan Kano.

Jaridar Vanguard ta rawaito cewa, Dr, Usman Ali  ya bayyana hakan a tattaunawar sa da manema labarai kan yaki da cutar Corona a nan Kano.

Shugaban kungiyar ya kara da cewar, gwajin da aka yi wa likitocin ya nuna cewa 53 daga cikin su na dauke da cutar Corona.