Ma’aikatar muhalli guda ce cikin ma’aikatu masu muhimmanci ga rayuwar al’umma- Dakta Kabitu Getso

Ma’aikatar muhalli ta jihar Kano ta bukaci sabon babban sakatarenta Malam Aliyu Yakubu Garo da ya kasance mai sadaukarwa a ayyukansu domin ciyar da ma’aikatar gaba.

Kwamishinan muhalli Dakta Kabiru Ibrahim Getso ne ya bukaci hakan, lokacin da yake karbar bakuncin sabon babban sakataren da aka aike da shi ma’aikatar Malam Aliyu Yakubu Garo.

Haka kuma Dakta Kabiru Getso, ya ce, ma’aikatar muhalli guda ce daga cikin ma’aikatu masu muhimmanci ga rayuwar al’umma.

A baya-bayan nan ne dai gwamnan Kano Dakta Abdullahi Umar Ganduje ya amince da nada Malam Aliyu Yakubu Garo a matsayin babban sakatare a ma’aikatar ta muhalli.