Majalisar ɗinkin duniya na yunƙurin kawar da afkuwar annoba a duniya

Hukumomin lafiyar abinci da muhalli na duniya sun fitar da wani shirin haɗin gwiwa don tunkarar duk wata annoba da ke barazana ga mutane da dabbobi.

Hukumar lafiya ta duniya WHO ta ce wannan wani shiri ne mai girma da ke neman inganta lafiyar mutane, dabbobi, tsirrai, da muhalli.

Hukumomin Majalisar Dinkin Duniya da dama ne ke cikin shirin wato Hukumar Abinci da Aikin Noma, da Hukumar Kula da Muhalli da Hukumar Lafiya ta Duniya da kuma Hukumar Kula da Lafiyar Dabbobi ta Duniya.