Zan kawo karshen tsadar abinci kafin karewar wa’adina-Buhari

Shugaban ƙasa Muhammadu Buhari ya ce gwamnatinsa ta duƙufa wajen magance tsadar abinci a ƙasar nan.

Buhari ya bayyana hakan ne lokacin da yake buɗe taron bita kan ayyukan ministocinsa karo na uku.

Yayin taron dai ana bibiyar irin nasarorin da aka samu wajen aiwatar da kudurorin da gwamnatinsa ke bai wa fifiko.

Shugaba Buhari ya ce, yana yin gagarumin kokari don warware matsalar tashin farashin kayan abinci.

Alƙaluman baya-bayan nan, da Hukumar Kididdiga ta ƙasa NBS ta fitar ya nuna cewa hauhawar farashin ya kai sama da kashi 20 a watan Satumba.