Manchester City za ta biya Euro miliyan 450 a kan Messi

Kungiyar kwallon kafa ta Manchester City ta shirya tsaf domin daukar dan wasan gaban Barcelona Lionel Messi.

City dai ta ce za ta iya biyan kudi Euro miliyan 450 kan dan wasan, sabanin Euro miliyan 700 da kungiyar sa ke bukata ga duk wanda ke son daukar sa.

Messi mai shekaru 33 ya bayyana aniyar sa ta barin kungiyar ta Barcelona jim kadan bayan sun sha kashi a hannun Bayern Munich da ci 8 a gasar Champions League.