Manchester United ta kafa sabon tarihi a gasar Firimiya

Biyo bayan nasarar da Manchester United tayi a kan Tottenham da ci 3-2 a ranar Asabar 12 ga Maris din 2022.

Kungiyar ta kafa sabon tarihi a gasar Firimiya da ke kasar Ingila.

Manchester United tayi nasarar wasanni 400 jumulla a filin wasanta na Old Trafford a gasar ta firimiya.

Jumulla dai a filin Old Trafford Manchester United ta buga wasanni 572, kuma tayi nasara a wasa 400 da kuma canjaras a wasa 108 har mada rashin nasara a wasa 64 da ta fafata a gasar ta Firmiya baki daya.