Masu satar mai na janyo asarar ganga dubu dari 2 a kullum – NNPC

Kamfanin mai na kasa NNPC ya ce kasar nan tana asarar gangan mai dubu dari biyu a duk rana sakamakon ayyukan barayin mai.

A cewar kamfanin na NNPC adadin kudaden da kasar nan ke asara sanadiyar satar mai da ake yi ya kai dala miliyan goma sha uku.

Shugaban kamfanin na NNPC Malam Mele Kyari ne ya bayyana haka lokacin da ya ke ganawa da babban hafsan tsaron kasar nan Manjo Janar Lucky Irabor.

Malam Mele Kyari ya kuma bukaci babban hafsan tsaron da ya yi duk me yiwuwa wajen ganin al’amura sun kyautata.