Michy Batshuayi zai tsawaita kwantiragin sa da Chelsea

Dan wasan gaban kungiyar kwallon kafa ta Chelsea Michy Batshuayi, zai saka hannu domin tsawaita kwantiragin sa da kungiyar kafin ya tafi Crystal Palace a matsayin aro.

Dan wasan, mai shekaru 26, kwantiragin na sa zai kare a karshen kakar wasanni mai zuwa, yayin da tsawaita kwantiragin zai hana dan wasan tafiya a matsayin kyauta.

A dai tsakiyar kakar wasa ta shekarar 2018 zuwa 2019 ne dan wasan ya je Crystal Palace a matsayin aro, inda ya jefa kwallaye 6 a wasanni 13.