Connect with us

Rahotonni

Muhimman abubuwan da sarkin Kano yayi a gwamnan banki

Published

on

A irin wannan rana ta 20 ga watan Fabrairu na shekara ta 2014 tsohon shugaban kasa Goodluck Jonathan ya dakatar da gwamnan babban bankin kasar Sanusi Lamidu Sanusi daga mukaminsa na Gwamnan CBN.

Hakan ya biyo bayan da ya bankado wata badakalar rashin sanya kudin sanya kudaden haraji a asusun gwamnati na kamfanin NNPC kimanin dala biliyan Ashirin da Sanusi Lamido ya a wancan lokaci.

Duk da cewa a watan Yuni na shekarar ta 2014 ne Sanusi Lamido zai kammala wa’adin mulkinsa a babban bankin, sai dai a wata tattaunawa da yayi da BBC Hausa a wancan lokacin ya bayyana cewa tun a watan Janairu na shekarar shugaban kasa a wancan lokacin Goodluck Jonathan ya nemi da ya ajiye mukaminsa.

Hoton tsohon shugaban kasa Goodluck Jonathan da Sarkin Kano Mallam Muhammadu Sanusi II.

Freedom Radio ta nazarci wasu daga cikin ayyukan da Sarki Muhammadu Sanusi II ya gudanar a lokacin da yake rike da mukamin gwamnan babban bankin kasar nan.

A shekara ta 2012 ne Sanusi Lamido Sanusi ya kaddamar da tsarin takaita ta’ammali da kudade a hannun jama’a wato Cashless Policy wanda tsarin ya kunshi bangarori da dama wadanda suka hada:-

ATM: Al’ummar Najeriya sun ta tafka muhawara a wancan lokacin tsakanin wadanda suke ganin tsarin ATM ba zai yiwu ba a Najeriya, da kuma wadanda suke ganin cewa tsarin zai yiwu, mafi yawan jama’a a wancan lokaci na korafin cewa ina ma aka samu tsayayyen Network da za’a iya yin na’urar cirar kudi ATM?

Mobile Banking: Tsarin amfani da wayoyin hannu ta hanyar sarrafa kudi wajen aikawa ko karba kudi wato Transfer.

SMS Alert: tsarin samun sako idan an turo maka kudi, ko an ciri kudin ka ta wayar hannu.

Al’amarin ya kara bunkasa domin kuwa kowane banki suna da tsarin amfani da bankinsu ta hanyar danna lambobi wanda ake yiwa lakabi da USSD Banking, sannan kowane banki ya mallaki manhaja da mai amfani da ita zai iya ganin me yake dashi a asusun sa, nawa ne ya fita, cirar rasiti, da biyan kudaden hukumomi da sauransu.

A yayin da yake rike da mukamin Gwamnan babban bankin kasa ya samar da bankin musulunci na Ja’iz wanda babu tsarin kudin ruwa a cikin sa

batun ya tada hazo kasancewar wasu na yi wa kafa bankin kallon bai dace ba.

Labarai masu alaka:

Matsalolin aure: Sarkin Kano ya bukaci a koma makaranta

Sarkin Kano ya ankarar da jama’a kan cutar Lassa

Internet Banking: Baya ga amfani da mahajoji na wayar hannu, a wannan lokaci ne kuma Sanusi Lamido ya hada da tsarin sarrafa kudi a banki ta internet.

Bank Verification Number (BVN): Bayan da gwamnatin tarayya ta amince da fara amfani da lambar tantacewa a banki, hakan ya sanya an bankado asusu da dama da ake zargi da satar kudaden talakawa, daga ciki akwai asusun matar tsohon shugaban kasa Jonathan wanda ake zargin ta bude da sunan ‘yar aikin ta.

Sannan wannan tsarin ne ya bada dama bayan hawan sabuwar gwamnatin shugaba Muhammadu Buhari aka gano ma’aikata dubu hamsin na bogi dake karbar kudi da sunan gwamnatin tarayya wanda ake yiwa lakabi da (Ghost Workers).

Wannan rarar kudin da aka samu na ma’aikata dubu hamsin, su ne gwamnatin tarayya tayi amfani dasu inda ta debi sabbin ‘yan sanda dubu hamsin.

Treasurer Single Account (TSA): Sanusi Lamido Sunusi shi ya tsaya kai da fata wajen ganin gwamntain tarayya a wancan lokacin ta fara amfani da tsarin asusun bai daya.

Shima TSA ya kawowa gwamnatin tarayya damar samun rarar kudade, kuma daga nan ma’aikatu da makarantun gwamnatin tarayya, su ke biyan kudadensu kai tsaye zuwa ga asusun na bai daya ta hanyar amfani da Remita.

Labarai masu alaka:

Sarkin Kano ya bude masallacin juma’a na sabuwar jami’ar Bayero

Tilas a magance cin zarafin mata- Mai dakin Sarkin Kano.

Baya ga wadannan akwai tarin ayyukan jin kan al’umma na gine-gine da samar da ababan more rayuwa da CBN ta rikayi a ko ina a fadin kasar nan a lokacin shugabancin Sanusi Lamido Sanusi.

Sanusi Lamido ya samu lambobin yabo da dama daga ciki akwai ta Mujallar Banker Magazine dake birnin London wanda ta bashi kyautar gwarzon gwamnan banki a shekara ta 2010.

Har ila yau a shekara ta 2013 a yayin taron shekara na asusun bada lamuni na majalisar dinkin duniya (IMF) da aka gabatar a birnin Washington DC na kasar Amurka, an baiwa Sanusi Lamido lambar yabo ta Central Bank of the year, wadda a wannan lokaci shi ne karon sa na uku na samun wannan lambar yabo.

A zamanin sa na Gwamnan babban bankin kasa manoma sun amfana da shirye shirye

da dama yayin da kuma matasa suka sami ayyukan yi na dogaro da kai.

Karanta wadannan:

Tilas a magance cin zarafin mata- Mai dakin Sarkin Kano.

Sarkin Kano da Lamidon Adamawa sun gana da shugabannin Fulani don magance rikicin Fulani makiyaya

Addini

Matakai 4 don yaki da Coronavirus a musulunce – Sheikh Daurawa

Published

on

Fitaccen malamin addinin musulunci a Najeriya Sheikh Aminu Ibrahim Daurawa ya bayyana wasu matakai hudu matsayin, hanyoyi kaifiyyan da za a bi kan annobar Coronavirus.

Malam Daurawa yayi wannan jawabi ne cikin hudubarsa ta yau jumu’a a masallacin sa dake unguwar Fagge Plaza.

Mataki na farko a cewar Malam Daurawa shi ne Imani da kaddara cewa abinda Allah kaddara shi ne zai faru, musulmi yayi Imani cewa mahalicci ne ke da ikon kaddara masa rayuwar sa.

Na biyu shi ne, mu yarda da hukuncin Allah na mutuwa ko rayuwa, don haka a duk sanda mutuwa ta zo sai mutum ya tafi ko da Coronavirus ko babu ita.

Mataki na uku, daukar matakan kariya, musamman abubuwan da jami’an lafiya suke ta fada, yakamata abi wadannan matakai sau da kafa.

Abu na hudu shi ne, jama’a ta kaucewa yada jita-jita, abubuwan da ake yadawa na karya game da Coronavirus sun yi yawa.

A lokacin annobar Ebola wani ya kirkiro cewa a yi wanka da gishiri, yanzu kuwa an yiwa Annabi (s.a.w) karya cewa wai wani mutum yayi mafarki ya ga manzon Allah (s.a.w) ya ce masa ya bude alkur’ani mai girma ya duba zai ga gashi, sai ya jika shi ne maganin Coronavirus.

Cikakken rahoton zai zo muku a shirin Inda Ranka na yau @9:30pm.

Karin labarai:

Covid-19: BUK ta umarci daliban dake zaune a makarantar su koma gidajen su

Ganduje : zan yi duk mai yuwa wajen hana COVID-19 shigowa Kano

Continue Reading

Rahotonni

Shin kun san muhimmancin abun kashe Gobara-Fire Extinguisher

Published

on

Iftila’in gobara dai kan faru a lokuta daban-daban a cikin jama’a, musamman a lokaci na dari {Sanyi}wanda ke sanadiyyar asarar rayuka da dukiyoyin al’umma.

A wani mataki na yin shirin ko-ta-kwana, da daukar matakin gaggawa   ta sanya kwararru suka kirkiro abin kashe gobara cikin gaggawa don yin  rigakafi na kasha wuta da aka fi sa ni da  Fire Extinguisher.

Muhimmancin abin kashe gobara na Fire Extinguisher ba zai misaltu ba, musamman ma a cikin gidaje da asibitoci da masana’antu, har ma a cikin ababen hawa ciki  da motoci da kasuwanni da sauran wurare.

Sai dai jama’a da yawa daga cikin mutane ba su san muhimmancinsa ba, a gefe daya  kuma ba sa tanadar sa don ajiyewa a kusa da su a matsayin kariya a matakin farko daga hadrin gobara.

Labarai maus alaka.

Kano: Gobara da hadura sun hallaka mutane da dama a watan da ya gabata

Gobara ta tashi a makaranta kwanan dalibai ta Kanwa

A lokuta da dama  amfani da abin kashe gobarar kan taimaka wajen rage asarar da ake tafkawa a lokacin gobara.

A ta bakin kakakin hukumar kashe gobara ta jihar Kano,  Sa’id Muhammad Ibrahim, a wata zantawar sa da wakiliyar Freedom Radio, Binta Ibrahim Yakasai, yace  muhimmancin abin kashe gobarar na da yawa kwarai da gaske, musamman ma a lokacin da gobara ta afku.

Sa’id Muhammad ya kuma  ja hankalin al’umma da su tanadi abin kashe gobara  a duk inda suke, sannan kuma su rinka sabunta shi da zarar wa’adinsa ya kare, don kare rayuka da dukiyoyinsu.

 

Continue Reading

Labarai

Mutanen garin Bakalari sun koka kan masu kwasar Bahaya

Published

on

Al’ummar Kauyen Bakalari da ke yankin karamar hukumar Tofa a nan Jihar Kano, sun koka dangane da yadda wasu mutane ke jibge musu bahaya da suke kwasowa daga bangarori daban-daban na jihar Kano.

Jama’ar garin sun ce, wannan lamari dai, yana shafar lafiyar su dana iyalansu har ma dana dabbobinsu.

Har ila yau mazauna garin sun ce ya dau tsawon lokaci yana faruwa, inda masu kwasar bahayan ke debo shi daga cikin birni su kawo yankinsu su jibge sannan su busar da ita.

A cewar su bayan sun busar da bahayar, sai kuma su rika durawa a buhu suna sayarwa, wanda hakan kan haifar musu da cututtuka da dama.

Malam Safiyanu Idris Ramosin, shine shugaban masu sana’ar busar da bahaya a kauyen na Bakalari, ya shaidawa wakiliyar mu Maryam Muhammad Bawa cewa, sun dade suna wannan sana’a kuma al’ummar garin basu taba yi musu korafi akai ba sai wannan karon.

Mallam Safiyanu ya kara da cewa sama da mutane 200 ne ke samun rufin asiri ta hanyar wannan sana’ar tasu.

A nasa bangaren Mai Garin Janguza, Malam Hudu Ya’u, ya ce, shi abin yafi karfin sa, saboda masu aikin ba-hayar sune suka sayi filin da kudinsu.

Har ila yau, wakliyar mu Maryam Muhammad Bawa ta tunubi sarkin tsaftar jihar Kano, Alhaji Ja’afaru Ahmed Gwarzo wanda ya ce duk da yake gwamnati ce ta samar da wurin don gudanar da wannan sana’a, amma yadda su ke aikin, bai dace ba.

Freedom Radio ta tuntubi ma’aikatar muhalli ta jihar Kano kan wannan batu, inda mataimakin daraktan kula da gurbacewar muhalli a ma’aikatar Muhammad Baba Ahmad ya ce, akwai irin wadannan wurare guda hudu da gwamnati ta ware, sai dai an tsara gudanar da wasu ayyuka kafin fara gudanar aiki a wuraren

Alhaji Muhammad ya kuma ce nan ba da dadewa ba, mai’akatar za ta yi duk me yiwuwa domin daukar matakin dakile matsalolin gurbacewar muhallin da ke addabar al’ummar garin na Bakalari da ke kusa da Mahuwa sakamakon jibge bahayar.

Continue Reading

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 316,595 other subscribers.

Trending

Copyright © 2019. Freedom Radio Group. All Rights Reserved.

error: Content is protected !!