Connect with us

Addini

Muhimman abubuwan da ya kamata ku sa ni kan Sheikh Ja’afar Mahmud

Published

on

An haifi Sheikh Ja’afar Mahmoud Adam a garin Daura, a shekara ta 1962 ko da yake wani lokacin Yakan ce 1964.

Marigayi Sheikh Ja’afar ya fara karatunsa na allo a gidansu, a hannun Mijin Yayarsa, Mallam Haruna, wanda kuma dan uwansu ne na jini.

Daga nan kuma sai aka mayar da shi wajen Malam Umaru a wani gari  Koza, Kimanin kilomita 9 a arewa da Daura, wanda shi ma akwai

dangantaka ta jini.

Bayan sun zo Kano ne tare da wannan malami nasa, a shekara ta 1971 (ko 1972), sai suka zauna a makarantar Malam Abdullahi, wanda  asalin sa mutumin jamhuriyar Nijar ne, amma yake zaune a unguwar Fagge a Kano.

Kafin zuwan sa Kano, marigayi Sheikh Ja’afar ya riga ya fara haddar Alkur’ani mai girma, wanda ya kammala a shekara ta 1978.

Bayan da Malam ya kammala haddar Alkur’ani mai girma, kasancewar sa mai sha’awar ilimi, sai ya shiga makarantu biyu a lokaci daya a shekara ta 1980,  ya shiga makarantar koyon Larabci  ta mutanen kasar Misra a cibiyar yada Al ‘ Adun Misra.

Sheikh jafar ya kuma shiga makarantar Larabci ta  Gwale a shekara ta 1984, kuma ya kammala a shekara ta 1988.

A shekara ta 1989, ya sami gurbin karatu a jami’ar musulunci ta Madinah, a inda ya karanta Ilimin Tafsiri wanda kuma ya kammala a Shekara ta 1993.

Sheikh Ja’afar ya sami damar Kammala karatun digiri na biyu Masters a Jami’ar Kasa-Da-Kasa Ta Afrika da Take Khartoum a, Sudan daga nan ne kuma sheikh jafar ya fara aikin yada addinin musulunci da karantar da mutane musamman a masallacin sa na Almuntada dake unguwar Dorayi, wanda kuma anan ne wasu ‘yan bidiga suka harbe shi, a ranar 13 ga watan Afrilun shekarar 2007 lokacin da ya ke limancin sallar Asuba wanda hakan  yayi sanadiyyar rasuwar sa.

Daga cikin karatuttukan da Sheikh Ja’afar  ya karantar da su, sun hada da tafsirin Alkur’ani mai Girma, kitabuttauhiid, Umdatul Ahkaam, Arba’un Hadith, Kashfusshubuhaat, Bulugul Maraam, Riyaadussalihiin, Siiratun Nabawiy, Ahkaamul Janaa’iz, Siffatus saltin nabiiy.

Da fatan Allah ya yi masa rahmah !

 

Click to comment

You must be logged in to post a comment Login

Addini

Jama’a su siffantu da halaye na kwarai -Malam Umar Hotoro

Published

on

Na’ibin limamin masallacin Juma’a na Zam-Zam dake unguwar Hotoro,  Malam Umar Mukhtar Hotoro, ya yi kira da jan  hankalin al’umma wajen ci gaba da siffantuwa  da halaye na kwarai don samun rabauta a wajen Ubangiji ta’ala.

Malam Umar Mukhtar Hotoro, ya yi kiran ne  cikin Hudubar Sallar Juma’a da ya gabatar a masallacin.

Malamin ya ce ‘Shakka babu tausayawa tsakanin mawadata dake cikin al’umma zai taimaka, kuma Allah Subhanahu wata ala ka iya kallon wannan ayyuka don kawowa mutane kafatanin su sauki a cikin rayuwar su.

Malam Umar Mukhtar Hotoro, ya kara da cewa, akwai bukatar mutane su kaucewa ayyukan sabon Allah, kasancewar na daga cikin dalilan da Allah ke jarrabtar  al’umma da musibu daban-daban.

Labarai masu alaka.

Killace kai da hana Sallah a cikin jama’a lokacin Annoba dai -dai ne a Musulunci

Limami: Sakacin koyarwar addinin musulinci shike kawo annoba

Malam Umar Hotoro ya ce ya zama tilas mutane su dauki shawarwarin likitoci da muhimmancin gaske, don zama kandagarki daga wannan annoba ta cutar Corona da ta game duniya baki daya.

Umar Idris Shuaibu wakilinmu da ya halarci masallacin, ya ruwaito cewar Na’ibin limamin masallacin karkashin cibiyar addinin musulunci ta Jama’atul Wa’azu Wal Irshad, ya bukaci masu wadata daga cikin mutane da su zage dantse wajen tallafawa marasa karfi don samun saukin rayuwa, kasancewar harkokin tattalin arziki sun yi baya matuka wannan hali da ake ciki na Annobar Corona.

 

Continue Reading

Addini

Za ayi zubeben kwarya tsakanin malaman Kano

Published

on

Gwamnatin jihar Kano ta ce nan bada jimawa da zarar wucewar annobar Covid-19 za ta shirya wata gagarumar Mukabala a tsakanin bangarorin addini dake jihar, domin kawo karshen gutsiri-tsoma dake faruwa a tsakanin su.
Kwamishinan al’amuran addini na jihar Kano, Malam Muhammad Tahar Baba Impossible shi ne ya bayyana hakan yayin zantawarsa da wakilin mu Yusuf Ali Abdallah a yau Laraba.
Baba Impossible yace, biyo bayan takun saka da ake yawan samu kan batanci ga addini tare da wuce gona da iri daga wasu al’umma, ya sanya daukar wannan mataki domin rarrabewa da baccin makaho.
Har ila yau, Impossible ya ce, a kwanakin baya jami’an tsaron farin kaya DSS sun gayyaci dukkan bangarorin malaman addini dake jihar, inda ta gargadesu kan su ja kunnen mabiyansu wajen kaucewa daukar doka a hannu.

Karin labarai:

Baba Impossible ya musanta fatawar da Maigida Kacako ya bayar

Kowa yazo ya dauki dan sa daga makarantun Mari ko mu dauki mataki –Gwamnatin Kano

Continue Reading

Addini

Covid-19 Gwamnatin Saudia zata bude ofishin Fasfo

Published

on

Gwamnatin  kasar Saudia, ta  bude ofishin karbar fasfo a filin jirgin sama na Sarki Abdul Aziz, dake birnin Jeddah don shirin duba biza ta masu aikin Umarah.

Hakan ya biyo bayan tsare- tsaren da hukumomin a Saudia suke, na kammala aikin gyaran bizar wanda shaidar izinin zaman su a kasar  ya kare tare da kara wa’adin zaman su a kasar ta Saudia, da wanda suka nemi bizar ta kafar sadarwa ‘internet’ a ofishin ma’aikatar aikin Hajji da Umara.

Rahotanni sun tabbatar da cewar, a wani umarni da masarautar kasar ta bayar, an cire sunayen wanda suka je yin aikin Umara, da suka wuce wa’adin da aka dibar musu, da wanda suke da matsaloli na kudade, daga cikin wanda za’a tuhuma, ko cin tarar su , daga cikin hadakar wanda kasar ta Saudia zata tisa keyar su zuwa kasashen su na  Asali, sakamakon cewar sun samu tsaiko kasancewar bullar Cutar Corona Virus.

Labarai masu alaka.

Covid-19: Musulmai za su yi azumi kan Coronavirus

Covid-19: Al’ummar kasar nan su kwantar da hankalin su kan aikin Hajjin bana-Fakistan

Rahotannin sun kara da cewa ofishin fasfo din yace yin hakan na daga cikin umarni da kuma hadakar aiki tsakanin ma’aikatar aikin Hajjin kasar, da ma’aikatar Lafiya, da kuma ta harkokin jirgin sama, don dubawa da bibiyar hada- hadar shige da fice a cikin kasar , a gefe daya kuma tare da daukar matakan killace yaduwar cutar a fadin kasar.

 

Continue Reading

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 324,535 other subscribers.

Trending

Copyright © 2019. Freedom Radio Group. All Rights Reserved.

error: Content is protected !!