Mun daina karbar masu laifi -Gidan yarin Kano

Jami’an hukumar ajiya da gyaran hali ta kasa reshen jihar Kano, sun ki amincewa su karbi masu laifi da kotu ta tura musu a yau Laraba.
Masu laifin wadanda kotun majistret dake unguwar Gyadi-gyadi a nan Kano ta yankewa hukunci ta kuma bada umarnin a kaisu gidan ajiya da gyaran halin, sai dai mahukunta gidan sun ki amincewa su karbi masu laifin.
Freedom Radio ta tuntubi kakakin hukumar ajiya da gyaran hali ta kasa reshen jihar Kano, DSC. Musbahu Lawal Kofar Nassarawa wanda ya ce, hukumar su ta samu wata oda daga sama, wadda ta dakatar dasu daga karbar duk wani mai laifi, har sai zuwa bayan annobar Coronavirus.

Karin labarai:

Wasu matasa sun yi kokarin shigar da kwaya gidan yarin Kano

Kun san dalilan da suka sanya aka garkame Sadiya Haruna a gidan yari?