Mun rushe hukumar gudanar da wasan gudu da tsalle-tsalle ta Najeriya – Dare

Ma’aikatar wasanni ta Najeriya ta rushe hukumar gudanarwar wasannin guje-guje da tsalle-tsalle ta kasa.

Hakan na kunshe ta cikin wata sanarwa da mai taimakawa ministan wasanni kan harkokin sadarwa John Joshua-Akanji ya fitar a yau litinin 14 ga watan Yuni.

Sanarwar na cewa an rushe gudanarwar hukumar ne sakamakon karewar wa’adin mulkin shugabannin.

Ministan yayi kira ga mambobin hukumar ta AFN dasu ajiye bambance bambance a tsakaninsu domin su zabi shugabanni nagari a zaben da zasu gudanar a yau 14 ga watan Yuni.