Muna buƙatar ƙarin ma’aikatan jinya a kano – Ibrahim Maikarfi

Kungiyar ma’aikatan lafiya da unguwar zoma ta kano ta ce suna bukatar karin ma’aikatan lafiya a cikin asibitocin jihar nan domin taimakawa al’umma.

Shugaban kungiyar Alhaji Ibrahim Maikarfi ne ya bayyana hakan jim kadan bayan kammala shirin “Barka da Hantsi”na tashar Freedom.

Ya ce “yawancin yaran da su ke kammala karatu a fannin kiwon lafiya ba sa samun gurbin aiki a cikin asibitoci,haka kuma kamata yayi gwamnati ta ƙara samar da makarantu a jihar Kano.

Alhaji Ibrahim Maikarfi ya ce kamata yayi dukkan wanda aka ci zarafin sa ya kai korafin sa wurin da ya dace,domin kuwa dukkan wani majinyaci yana da hakki a kan likita.