Mune muka kakkabo jirgin yakin rundunar sojin Najeriya da ya yi batan dabo – Boko Haram

Kungiyar boko haram ta ce ita ce ta kakkabo jirgin yakin rundunar sojin sama na kasar nan da ya yi batan dabo a ranar laraba da ta gabata.

Tun farko dai rundunar sojin saman ta Najeriya ta ce ta tura da jirgin ne don yaki da boko haram a jihar Borno

Sai dai a wani faifan bidiyo da ‘yan boko haram din suka saki a yau juma’a, ya nuna yadda wasu mayakan ta suka harbo wani jirgin sama.

Faifan bidiyon ya nuna ‘yan boko haram din sun dauki gawar daya daga cikin matuka jirgin da suka harbo.

Sai dai tun a baya dama rundunar sojin saman kasar nan ta tabbatar da cewa, akwai yiwuwar jirgin ya yi hatsari ne a wani yanki da ke jihar Borno