Mutane 12 sun rasa ransu sakamakon hadarin mota a kaduna

Hukumar kiyaye afkuwar haɗura ta ƙasa FRSC ta tabbatar da mutuwar mutane 12 sakamakon haɗarin mota a hanyar Kaduna zuwa Abuja.

Shugaban hukumar shiyyar Kaduna Hafiz Muhammad ne ya bayyana hakan, yayin zantawar sa da manema labarai.

Ya ce, hatsarin ya faru da misalin karfe 12 na ranar Litinin, kuma mutane 12 sun rasa ran su, sai kuma 6 da suka jikkata sakamakon fashewar tayar motar.

Hafiz Muhammad ya kuma ce, motar da hatsarin ya faru ta yi lodin fasinjoji fiye da ƙima, abinda ya haifar da hatsarin a hanyar Nasarawa Doka zuwa Kacia.