Na shirya ficewa daga jam’iyyar PRP – Salihu Takai

Dan takarar gwamnan Kano na jam’iyyar PRP Malam Salihu Sagir Takai ya ce yanzu haka ya shirya ficewa daga jam’iyyar ta PRP mai ‘dan mukulli.

Daraktan yakin neman zaben Malam Takai, wato Barista Faruk Iya Sambo shi ne ya tabbatar da hakan ga Freedom Radio.

Iya Sambo ya ce, yanzu haka su na ci gaba da tattaunawa a tsakanin su domin cimma matsaya kan jam’iyyar da ya kamata su koma.

“Mun tattauna da jama’ar mu na kananan hukumomi 44, da kuma sauran wadanda suka taimaka mana a zabe, yanzu muna kan tsayar da matsaya, tsakanin jam’iyyu uku, PRP da muke ciki, ko kuma PDP da APC wadanda kowanne da mutanen mu a ciki” a cewar Faruk Iya.

Cikakken labarin zai zo muku a shirin mu na “Kowane Gauta” da karfe 9pm da kuma maimaici da karfe 7:30am.