Najeriya ce ƙasa ta 4 a yaƙi da cutar corona a duniya – WHO

Hukumar lafiya ta duniya WHO ta ce Najeriya tana mataki na hudu a ƙasashen duniya da suke yaƙi da annobar corona.

Wakilin WHO a Najeriya Dakta Walter Mulombo ne ya bayyana hakan a wajen karɓar rigakafin corona samfurin Johnson and Johnson kimanin 177,600 da suka karaso Abuja.

A kalla rigakafin miliyan 1 da dubu 173, da 132 ne suka fara isaowa, cikin rigakafi miliyan 28 da dubu ɗari 8 da bankin hada-hadar kasuwanci a tsakanin ƙasashen Afrika ya fara aikowa da su zuwa kasar nan.

A cewar WHO wannan ne ya bai wa Najeriya damar zuwa mataki na 4 na ƙasashen da suka fi yaƙi da cutar corona a faɗin Duniya.