Najeriya ta matsa mataki na 32 a sabon jadawalin FIFA

Najeriya tayi nasarar matsawa gaba daga mataki na 36 zuwa na 32 a jadawalin matakin kasashen duniya a fanin kwallon kafa da FIFA ta fitar na watan Maris din 2021.

FIFA ta ce ta na amfani da jerin makin kowace kasa domin fitar da matakin da ta dace ta samu a cikin jadawali.

A cikin jerin matakin kasashen da FIFA ta fitar a ranar Larabar 6 ga watan Afirilun 2021, Najeriya ta samu zuwa mataki na uku a kasashen Afirka bayan da tayi nasara kan Benin Republic da Lesotho a wasannin share fagen cin kofin Afirka.