Najeriya za ta kashe miliyan dubu 296 wajen sayan allurar riga-kafin Corona – Zainab Ahmed

Gwamnatin tarayya za ta kashe naira miliyan dubu 296 wajen sayan alluran rigakafin corona a shekarar 2021 da kuma 2022.

Ministar kudin kasar nan Hajiya Zainab Ahmed ce ta bayyana hakan a Abuja.

Haka kuma ministar ta ce har yanzu ana cigaba da tsara kwarya-kwaryar kasafin kudi wanda za a samarwa da jami’an tsaro kayan aiki da kuma kula da wal-walarsu.