NARD ta zargi NMA da sanya son zuciya a lamarin ta

Kungiyar likitoci masu neman kwarewa ta kasa NARD ta zargi kungiyar likitoci ta NMA da sanya son zuciya a cikin lamuranta, tare da ƙin fadawa gwamnatin tarayya gaskiya.

Mataimakin shugaban kungiyar Adejo Arome ne ya bayyana hakan a zantawar sa da jaridar Punch a Talatar nan.

Ya ce, shugabannin kungiyar NMA sun gana da shugaban kasa Muhammadu Buhari kan wasu abubuwa da suka shafe su, inda daga baya suka bukaci kungiyar NARD ta janye yajin aikin da ta ke yi.

Tuni dai kungiyar NARD ke jaddada aniyar ta na ci gaba da yajin aiki har sai lokacin da gwamnatin ta biya musu bukatun su, kamar yadda shugaban kungiyar Uyilawa Okhuaihesuyi ke bayyanawa.