NPFL: Kano Pillars ta doke Abia Warriors

Kungiyar kwallon kafa ta Kano Pillars mai taken Sai masu gida tayi nasarar doke Abia Warriors da ci 2- 1 a wasan gasar Firimiya ta kasa NPFL.

An dai gudanar da wasan ne a filin Ahmadu Bello da ke Zaria a jihar Kaduna, wanda wasan shi ne mako na 14 a gasar.

Dan wasa Kalu Nweke ne ya fara zura kwallon farki a minti na 16, kana Sa’idu Musa ya warware kwallon da aka zura Pillars a minti na 27 bayan samun taimako daga Rabiu Ali Pele.

‘Yan wasan Kano Pillars

A minti na 56 ne dai dan wasa Abdullahi Musa ya tabbatar Pillars tayi nasara bayan zura kwallo da ya yi a wasan.

Wanda hakan ya sanya Kano Pillars ta samu maki uku a hannun tawagar Abia Warriors da ke jihar Abia a kudancin Najeriya.