NPFL: Niger Tornadoes da Gombe United Sun dawo gasar

Kungiyar kwallon kafa ta Niger Tornadoes da Gombe United sun samu nasarar dawowa gasar Firimiya ta Najeriya wato NPFL.

Kungiyoyin 2 sun samu nasarar ne bayan da sukai kunnan doki tsakanin su a wasan da suka fafata a yau Asabar 11 ga watan Satumbar shekarar 2021.

Wasan dai an bugashi a jihar Enugu.

Tornadoes ta kammala rukunin da taka na A a matsayin ta 1 da maki 5 bayan nasarar da ta yi a wasa 1 da kuma kunnan Doki wasanni 2 cikin wasanni 3 data buga.

Yayin da ita kuma Gombe United ta kammala a mataki na 2 itama da maki 5 sai dai akwai banbancin kwallaye tsakanin ta da Tornadoes.

A gefe guda kuma kungiyar kwallon kafa ta
El-kanemi Warriors, ta gaza samun buga gasar ta NPFL da itama ke rukunin na A.

Kungiyar da ke garin Maiduguri dai ta kammala a mataki na uku a rukunin da maki 4.