Connect with us

Labarai

Paul Pogba ya kamu da Corona

Published

on

Dan wasan tsakiyar kungiyar kwallon kafa ta Manchester United Paul Pogba, ya kamu da cutar Coronavirus.

Mai hora da kasar Faransa, Didier Deschamps ne ya bayyana hakan, inda ya ce dan wasan mai shekara ashirin da bakwai tuni ya killace kansa na tsawon kwanaki goma sha hudu a gidan sa.

Pogba ba zai samu halartar wasan da Faransa za ta buga da kasar Sweden ba, a wasannin neman cancantar shiga gasar cin kofin nahiyar Turai ta kasa-da-kasa, da za su fafata a ranar biyar ga watan Satumba mai kamawa.

Har ila yau, akwai wasan kasar ta Faransa da za ta karbi bakwancin kasar Croatia bayan kwanaki uku da yin na kasar Sweden.

Haka kuma, kungiyar sa ta Manchester United na ikirarin cewa dan wasan ka iya taka leda a wasanta na farko da za ta hadu da Crystal Palace a gasar firimiyar kasar Ingila, wanda za a fafata a ranar goma sha tara ga wata mai kamawa.

Yayin da daukacin ‘yan wasan kungiyar ke yi masa fatan samun sauki cikin kankanin lokaci, duba da yadda sabuwar kakar wasanni ke karatowa.

Click to comment

You must be logged in to post a comment Login

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 334,764 other subscribers.

Copyright © 2019. Freedom Radio Group. All Rights Reserved.

error: Content is protected !!