PCACC ta kama jami’in gwamnati bisa zarginsa da sace gidan Sauro guda 1,000

Hukumar karbar korafi da yaki  cin hanci da rashawa ta jihar kano ta ce ta kama wani mai kula da wajan ajiye kayan gwamnati da ake  zargin da satar gidan sauro guda 1000 da aka tanada don raba wa jama’a. 

Shugaban hukumar Kwamared Sa’idu Yahaya ne ya bayyana hakan a cikin wata sanarwa da ya fitar.

Ya ce tuni suka kama mutumin, kuma bincike ya nuna cewa ya siyar wa da wasu bata gari gidan sauron. 

Hukumar ta ce, za ta gurfanar da wanda ake zargin dake aiki a  karamar hukumar Minjibir a gaban kotu sakamakon karkatar da kaddarorin gwamnati ba bisa ka’ida ba.