Qatar 2022: Najeriya ta doke kasar Liberia da ci 2-0

Kungiyar kwallon kafa ta Najeriya Super Eagles ta doke kasar Liberia da ci 2-0 a wasan share fagen cin kofin Duniya da za’a gudanar a kasar Qatar a shekarar 2022.

Wasan da aka gudanar a filin wasa na Teslim Balogun dake jihar Lagos a yau Juma’a 03 ga watam Satumbar shekarar 2021.

FIFA: Super Eagles ta sauka zuwa mataki na 36

Dan wasan Najeriya Kelechi Iheanacho dake wasa a kungiyar kwallon kafa ta Leicester City dake kasar Ingila ne ya zurawa Najeriya kwallaye 2 da suka bata nasara a wasan.

Iheanacho ya zura kwallayen ne a mintina na 22 dana 44 da fara wasan.

Najeriya dai na rukunin C a wasannin share fagen buga kofin na Duniya inda take rukuni da kasar Liberia da Cape Verde da kuma Afrika ta tsakiya.