Rashin nasara a zaben Edo darasi ne ga ‘yan jam’iyyar APC – Musa Mujahid Zaitawa

Musa Mujaheed zaitawa daga jam’iyyar APC yace darasi suka samu a faduwar da jam’iyyar su ta APC ta yi a Jihar Edo kuma zasu gyara kura kuran da suka samu.

Musa Mujahid Zaitawa ya bayyana hakan ne ta cikin shirin Kowane Gauta na tashar Freedom radio.

Mujahid Zaitawa ya kuma kara da cewa duk wasu maganganu da ‘yan Kwankwasiyya ke yi hassada ce kawai ga gwamna Ganduje kuma ko sun so ko sun ki shine jagoran jam’iyyar APC na Kano.

Ya ce kuma duk mafarkin da ‘yan kwankwasiyya ke yi ba zasu samu kujerar shugabancin Jihar Kano ba domin Kanawa ba zasu sake zabar su ba.