Rashin shan isasshen ruwa na haifar da ciwon Koda-Dr Faruq Sabo

Wani likita a nan Kano ya shawarci al’umma da su rika shanruwa a kalla lita uku a rana domin kiyaye kansu daga kamuwa da cutar  tsakuwar ƙoda.

Dr. Faruq Sabo kwararren likitan Koda a asibitin mafitsara na Abubakar Imam Urology ne ya bayyana haka.

Ya ce ana kamuwa da cutar ne sakamakon daskarewar wasu sinadarai dake cikin firsari, inda suke curewa waje daya a cikin koda su hanata aiki yadda ya kamata.

Likitan ya bayyana ƙarancin ruwa a jikin dan’adam a matsayin babban dalilin da ke janyo cutar tsakuwar ƙoda.

A karshe ya shawarci al’umma da su rika shan isasshen ruwa su kuma  gujewa shan lemukan kwalba da abincin gwangwani domin kaucewa kamuwa daga cutar.