Rundunar Civil Defense ta kama Direban da ake zargi hada kai ma su satar kayan Gwamnati

Rundunar tsaro ta Civil Defense a nan Kano ta kama wani direban Mota da a ke zargin an hada kai dashi an sato wasu Wayoyin Wutar Lantarki masu yawa a karamar hukumar Danbatta.

Mai magana da yawun rundunar SC Ibrahim Abdullahi Idris ne ya tabbatarda hakan a yau lokacin da rundunar tayi holin wanda ake zargi ga manema labarai.

SC Ibrahim ya ce, sun cafke Direban Motar mai suna Yunusa Isah mai shekaru 20 a Dambatta, kuma tuni sun ci aba dayin bincike domin kamo sauran wadanda ake zargi da hannu.

Kwamandan rundunar Muhammad Hassan Agalama na cigaba da yabawa al’umma akan irin yadda suke baiwa rundunar hadin kai wajen basu bayanan sirri domin kama masu barnata kadarorin gwamnati.