Rundunar ‘yan sandan Kano na nema wasu mutane 16 ruwa a jallo

Rundunar ‘yan sandan jihar Kano ta bayyana mutum 9 daga cikin mutane 16 da ake zargi da aikata daba a jihar a matsayin wadanda ta ke nema ruwa a jallo.

Kwamishinan ‘yan sandan jihar CP Muhammad Usaini Gumal ne ya bayyana hakan, yayin taron masu ruwa da tsaki kan tsaro da ya gudana a karamar hukumar Dala.

CP Muhammad Usaini Gumal ya Kuma ce ‘daga cikin mutanan data gayya 16 mutum 7 ne suka Kai kan su gareta, Inda suka tabbatar mata da daina duk wasu abubuwa da suka danganci Daba a jihar ta Kano’.

Kwamishinan ‘yan sandan na Kano Muhammad Usaini Gumal ya Kuma ce, ‘Talauci da matsan rayuwar da ake ciki a halin yanzu ne ke sanyawa da yawan matasa aikata ayyukan ta’addanci’.

Rahoton: Aminu Abdu Baka Noma