Rundunar ‘Yan sandan Kano ta cafke  matasa 27 da ake zargi da fashi

Rundunar ‘Yan sandan jihar Kano ta ce, ta samu nasarar kama wasu matasa 27 bisa  zargi su da aikata fashi da kwacen waya ta hanyar amfani da muggan makamai.

Mai magana da yawun rundunar SP Abdullahi Haruna Kiyawa ne ya sanar da hakan, yayin zantawa da freedom radiyo.

SP Abdullahi Haruna Kiyawa ya ce bayan kama masu laifin an kuma cafke masu siyan wayoyin da suka sata.

“Munyi nasara kama mutane masu kwacen waya su 27 da kuma masu siyen wayoyin sai kuma waya 28 da kuma babura 3 da ake amfani dasu wajen yin fashin waya,” a cewar Kiyawa.