Rundunar yan sandan Kano ta kama matasa 4 bisa zargin kwace kudi da na’urar POS

Rundunar yan sandan jihar Kano ta tabbatar da rahoton afkuwar wani rikici da ya faru tsakanin wasu yan daba da wani mai sana’ar harkokin kudi na POS a unguwar Jakada da ke yankin unguwar Rijiyar Zaki, inda ake zargin bata garin sun kwashe masa dukiya da tare da yi masa duka.

Mai magana da yawun ‘yan sandan SP Abdullahi Haruna Kiyawa ya ce, tuni suka kama mutane hudu daga cikin wadanda ake zargin bayan da suka far wa mutanen yankin inda suka jikkata wasu jami’an sintiri na Vigilante biyu

Sulaiman Garba shi ne shugaban kungiyar yan sintiri na yankin ya bayyana yadda rikicin ya faru.

Yusuf Isa Muhammad shi ne mai sana’ar POS din ya shaida yadda lamarin ya faru.

Rahoton Abba Sa’idu Sugungun