Rwanda na ci gaba da gyaran filin wasa na Amahoro

Ma’aikatar wasanni ta kasar Rwanda, ta tabbatar da cewar za ta fara gyaran babban filin wasan ƙwallon ƙafa na kasar wato Amahoro National Stadium.

Gyaran wanda za a fara a watan Disamba an sa ran kammala shi a sabuwar shekara mai kamawa, ta 2021.

Hukumar ta ce, gyaran zai ɗaga darajar filin wasan tare da ƙara yawan ɗaukar kujerun ƴan kallo daga 25,000 zuwa 45,000 mai kujerun zama wato ‘Seater Stadium.