Schalke 04 ta sallami mai horar da tawagar Wagner

Ƙungiyar Schalke 04, da ke ƙasar Jamus ta sallami mai horar da tawagar David Wagner, bayan wasanni biyu da fara gasar Bundesliga ta ƙasar.

Hakan ya biyo bayan rashin nasarar da ƙungiyar ta yi a wasannin biyu wanda Bayern Munich ta lallasa ta da ci 8 da nema , yayin da Werder Bremen ta doke ta da ci 3 da 1, a wasan da ya gudana a ranar Asabar.

Tsohon mai horar da kungiyar Huddersfield Town, Wagner ya karɓi aiki ne a dab da fara gasar shekarar bana ta 2020/21, sai dai ya fara da rashin nasara guda biyu.

Ƙungiyar ta Schalke 04, ta kasa samun nasara a wasanni 18 na gasar Bundesliga, wanda hakan ya sa ta kafa sabon tarihi a ƙungiyar da mai horar war.

“Muna da yakinin za mu samu ci gaba tare da mai horar wa David Wagner, sai dai kuma an samu akasin hakan kasancewar ga yadda wasannin mu ke tafiya da rashin nasara” .

Don haka mun yanke shawarar buɗe sabon Babi na sallamar, mai horar wa Wagner da mataimakan sa Christoph Buhler da Frank Frohling, muna yi musu fatan alheri a gaba “inji shugaban sashen wasanni na Schalke 04 , Jochein Schneider.