Sheikh Usman Idris Kusfa da aka fi sani da Rigi-Rigi ya rasu

Allah ya yi wa shahararren malamin Musuluncin nan Sheikh Khalifa Usman Idris Kusfa wanda aka fi sani da Rigi-Rigi, rasuwa sakamakon fama da jinya da ya yi.

Surikin malamin, Malama Abubakar Ɗanyaro, ne ya tabbatar wa jaridar Aminiya rasuwar malamin, inda ya ce, Sheikh Khalifa Usman Kusfa ya rasu ne a asibiti a daren jiya Lahadi a garin Kaduna.

Abubakar Ɗanyaro ya bayyana cewa sa ran gudanar da Sallar Jana’izarsa a yau Litinin bayan Sallar La’adasar a gidansa da ke unguwar Kusfa a Zariya, bisa koyarwar addinin Islama.

Haka kuma ya kara da cewa, Shehin Malamin, ya yi fama da rashin lafiya tsawon lokaci, inda aka kwantar da shi a Asibiti Sojoji na 44 da ke Kaduna.

Sai dai ya ce, daga baya an mayar da shi wani asibiti mai zaman kansa a unguwar Barnawa a garin na Kaduna inda a nan Allah ya yi masa rasuwa. rayuwarsa da misalin ƙarfe uku da rabi na dare.

Malama Abubakar Ɗanyaro, ya ce, za a gudanar da jana’izar marigayin a yau Litinin da misalin karfe 4:30 na yamma