Shettima ya tarbi Mustapha Inuwa da ya koma jam’iyyar APC

Mataimakin Shugaban Najeriya, Kashim Shettima, ya tarbi tsohon Sakataren Gwamnatin Jihar Katsina kuma tsohon jagoran jam’iyyar ADC a jihar, Mustapha Inuwa, da ya koma jam’iyyar APC.

Mustapha Inuwa, wanda ya taba zama shugaban APC na farko a Katsina, ya fice daga jam’iyyar zuwa ADC kafin daga bisani ya sanar da komawarsa APC tare da umartar magoya bayansa su koma jam’iyyar.

Mustapha Inuwa, ya ce, ya dauki matakin ne domin kare muradun siyasa da bukatun magoya bayansa, yayin da ake shirye-shiryen babban zaben 2027.