Sojojin Najeriya sun kashe ‘yan Boko-Haram da dama a jihar Borno

Rundunar sojin kasar nan ta ce dakarunta na operation lafiya dole sun samu nasarar kashe ‘yan boko haram da dama a jihar Borno.

Hakan na kunshe ne cikin wata sanarwa mai dauke da sa hannun mai magana da yawun rundunar Burgediya Janar Muhammed Yerima.

Sanarwar ta ce, sojojin sun kashe ‘yan boko haram ne a wani yanki da ke tabkin Chadi.

‘‘Yayin gumurzun hudu daga cikin sojojin mu sun mutu’’ a cewar Muhammad Yerima.