Suraj Ayeleso ya koma Plateau United daga Kano Pillars

Mai tsaran raga na kungiyar kwallon kafa ta  Kano Pillars Suraj Ayeleso ya kammala komawa kungiyar kwallon kafa ta Plateau United dake jos. 

Sorajo Ayeleso  ya koma Plateau United ne bayan da kwantaraginsa da Kano Pillars ya kare a karshen watan Yunin shekarar da muke ciki ta 2021.

Dan wasan ya buga wasanni 41 a  Kano Pillars inda ya yi nasarar hana kwallo 21 shiga raga a tsahon shekarun da ya shafe a kungiyar.

Ayeleso mai shekaru 30 wanda tsohon mai tsaran gida ne na kungiyoyin  ABS FC, Kwara United da  Nasarawa United.