Tinubu ya buƙaci a bai wa Afirka kujerun dindindin guda biyu a MDD

Shugaban kasa, Bola Ahmed Tinubu, ya buƙaci a bai wa nahiyar Afirka kujerun dindindin guda biyu a Kwamitin Tsaro na Majalisar Ɗinkin Duniya, tare da ƙarin kujeru biyar na wucin gadi .

Tinubu ya bayyana hakan ne a jawabin da mataimakinsa, Kashim Shettima, ya gabatar a babban taron Majalisar Ɗinkin Duniya karo na 81 da Yake gudana a birnin New York na kasar Amurka.

Shugaban ya ce bai kamata a ci gaba da barin Afirka a wajen tsarin kujerun dindindin na kwamitin ba, duk da irin nauyin da nahiyar ke ɗauka wajen fuskantar rikice-rikice. Ya kuma buƙaci a bai wa Afirka cikakken haƙƙin zama mamba na dindindin.

Tinubu ya kuma yi kira da a sauya tsarin kuɗaɗen duniya domin rage wa ƙasashe masu tasowa nauyin bashi, tare da ƙarfafa haɗin gwiwar ƙasashen duniya wajen yaƙi da ta’addanci da kuma warware rikice-rikice ta hanyar diflomasiyya.