Tokyo Olympics: Najeriya ta bukaci ‘yan wasanta da su ciyo lambobin yabo

Mataimakin shugaban kasa, Farfesa Yemi Osinbajo, ya gargadi tawagar ‘yan wasan da zasu wakilci Najeriya a gasar guje-guje da tsalle-tsalle ta Tokyo Olympics 2020 da su dage wajen ganin sun ciyo wa Najeriya lambobin yabo.

Osinbajo ya bayyana hakan ne yayin ban kwana da tawagar ‘yan wasan a dakin taro dake fadar shugaban kasa.

“Ina yi wa kowane dan wasa wasiyya da kada ya yi amfani da duk wani haramtaccen abu ko yaudara ta kowace hanya,” in ji Osinbajo.

Ya kuma bukaci ‘yan wasan su zama jakadun Najeriya masu cancanta kuma su wakilci kasar yadda ya kamata.