Topa Premier: FC Sheshe ta doke Mazugal Babes da ci 1-0

Kungiyar kwallon kafa ta FC Sheshe dake nan jihar Kano, ta yi nasarar doke Mazugal Babes da ci 1-0 a gasar Topa Frimiya ta jihar Kano.

Wasan dai shine na farko a kakar wasanni ta shekarar 2021/2022.

An gudanar da wasan a ranar Laraba 29 ga watan Satumbar 2021 a filin wasa na Sani Abacha da ke unguwar Kofar Mata a nan Kano.

Dan wasan kungiyar Mazugal Babes ne dai ya zura kwallo a ragarsu wato (Owngoal) a minti na 76 da wasan.

Za a ci gaba da gasar dai kamar yadda aka tsara jadawalinta tunda fari.