Tsaro: Muna ci gaba da kwashe ɗaliban mu daga Jos – El-rufa’i

Gwamnatin jihar Kaduna ta ce, ta fara kwaso ɗalibai ƴan asalin jihar da ke karatu a jami’ar Jos da sauran kwalejojin ta zuwa gida.

Shugaban hukumar bada tallafin karatu a jihar Malam Hassan Rilwan  ne ya bayyana hakan a Alhamis ɗin nan, ta cikin wata sanarwa da ya fitar.

Ya ce, kwaso ɗaliban ya biyo bayan yadda jihar ke ci gaba da fuskantar matsalaolin tsaro a kwanakin nan, wanda kuma tuni gwamnatin jihar ta bada umarnin a fara kwaso su zuwa gida.

Malam Hassan Rilwan ya kuma ce, tun a ranar Juma’ar da ta gabata ne aka fara jigilar ɗaliban daga Jos zuwa jihar Kaduna, kuma za a kammala aikin a ƙarshen makon da muke ciki.