Tsohon kyaftin a Kungiyar Manchester City ya nemi a sallami Pep Guardiola

Tsohon kyaftin din Kungiyar kwallon kafa ta Manchester City dake kasar ta Ingila Yaya Toure ya ce ya kamata Kungiyar ta sallami mai horas da ‘Yan wasan ta Pep Guardiola, sabo da gaza daukan gasar cin kofin zakarun turai ta Champion League.

Toure, ya ce lashe kofin zakarun turai na daya daga cikin dalilan da suka sanya a ka kawo shi zuwa kungiyar a shekarar 2016.

Amma kuma yanzu haka ya kwashe shekaru 4 baije koda wasan karshe ba a kofin na Champion league, a don haka ya kamata ya matsa a kawo wanda zai iya.

Goardiola, dai ya lashe kofin na zakarun turai da Kungiyar Barcelona, amma ya kasa daukan kofin a Kungiyar Bayer Munich da Manchester City.