Tun tuni ya kamata Buhari ya yiwa ministoci garambawul-Farfesa Kamilu Fagge

Farfesa Kamilu Sani Fagge, na jami’ar Bayero ya ce tun tuni ya kamata shugaban kasa Buhari, ya yiwa Ministocin kasar nan garambawul.
Farfesa Kamilu, ya bayyana haka ne ga Freedom radio, inda ya ce wannan mataki yazo a makare, la’akhari da yadda tun wuri al’umma suke fatan samun gyaran.
A ranar larabar nan ne dai shugaban kasar ya sauke ministocin biyu sun haɗa da na noma Alhaji Sabo Nanono da na lantarki Injiniya Saleh Mamman.
Yanzu haka dai ministan muhalli Muhd Abubakar shi zai maye gurbin ministan noma, yayin da karamin ministan ayyuka Abubakar Aliyu zai maye gurbin ministan lantarki.