Victor Osimhen bazai buga wasanni biyu ba a gasar Seria A

Hukumar kwallon kafar kasar Italiya ta dakatar da dan wasan gaba na kungiyar kwallon kafa ta Napoli Victor Osimhen, dake buga gasar Seria A ta kasar wasanni biyu.

Victor Osimhen dan asalin Najeriya dake wasa a kungiyar kwallon kafa ta kasar Super Eagles ya samu katin kora daga wasa wato Jankati a wasan da kungiyar sa ta Napoli ta lallasa Venezia da ci 2-0 a ranar Lahadi 22 ga watan Agustan 2021.

Dan wasan ya samu jankatin ne a minti na 23 da fara wasan.

Wanna dai shine karo na farko da tsohon dan wasan Wolfsburg da  Lille ya karbi katin kora a wasannin da yake fafatawa daban-daban.

Yanzu dai Osimhen ba zai buga wasannin da kungiyar sa ta Napoli za ta yi ba da  Genoa da kuma Juventus a ranakun 29 ga Agusta da kuma 11 ga Satumba.